Четириесет и петгодишен жител на кумановското село Речица е уапсен зошто со остар предмет на плоштадот „Маршал Тито“ ја нападнал сопругата, со која не живееле заедно. Според информациите, тие и претходно имале расправии, но по интервенција на полициски службеник, бил спречен во намерата.

Приведениот и претходно во домот ја нападнал сопругата.

По целосно документирање на случајот, против С.Т. ќе следува соодветен поднесок.

Дваесетидвегодишна девојка од Тетово пријавила во полиција дека преку социјална мрежа ѝ се злоупотребени личните податоци од страна на С.И. од с.Долно Палчиште, со кого претходно била во љубовна врска.

Се преземаат мерки за расчистување на случајот.

Во стан на ул.„Вич“ во скопската населба Карпош, вчера утрото бил пронајден починат 54-годишнен маж, М.Ш., соопшти МВР.

По наредба на јавен обвинител телото на починатиот е предадено за обдукција, при што било констатирано дека нема траги на насилство.