Утре во Скопје протести поради загадениот воздух. Маршот започнува во 16 часот пред Министерството за животна средина, продолжува кон Собранието и завршува пред Владата на Република Македонија.

Од „Зелен хуман град“ предлагаат неколку итни мерки, но и повеќе среднорочни, за поефикасно справување со штетните честички во воздухот.

„Протестираме бидејќи секоја година од 3.828 до 5000+ луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7% од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух.

Бараме од надлежните институции итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето“ велат од „Зелен хуман град“.

Сирискиот претседател Башар ал Асад и неговото семејство добија азил во Русија, јавуваат руските државни медиуми.

Портпаролот на Кремљ Дмитриј Песков  во своето секојдневно обраќање рече дека претседателот Владимир Путин лично ја донел одлуката за давање азил, но одбил да потврди каде се наоѓа моментално Асад, пренесува Фена, а пренесува Дневни аваз.

Песков исто така не кажа кога последен пат се сретнале Путин и Асад и додаде дека не планираат да се сретнат во блиска иднина, јавува Би-Би-Си.

Песков нагласи дека Русија е подготвена да одржува контакти „со оние кои ќе бидат на власт во Сирија“.

Министерството за одбрана на Турција соопшти дека шест членови на екипажот загинале при пад на хеликоптер УХ-1, кој изведувал тренажен лет во Испарта во југозападна Турција.

„Еден од нашите хеликоптери УХ-1, кој изведуваше тренажен лет во Испарта, доживеа несреќа и вкупно шест членови на нашиот персонал загинаа“, се вели во соопштението.

Забележано е дека еден член на персоналот кој бил пренесен во болница со сериозни повреди здобиени во хеликоптерската несреќа починал, со што бројот на загинати се искачи на шест.

Министерството за одбрана на Турција упати сочувство до семејствата на загинатите и турските вооружени сили, а на повредениот персонал му посака брзо закрепнување.

Меѓутоа, како што изјави генерал-мајор на вооружените сили на Босна и Херцеговина Мирсад Ахмиќ, во несреќата учествувал и припадник на вооружените сили на Босна и Херцеговина.

„Врз основа на информациите што ги разменивме со нашите колеги од Турција, во моментот на хеликоптерската несреќа во еден хеликоптер имало еден припадник на вооружените сили на Босна и Херцеговина. Нашиот член е добро и моментално сме во комуникација со него и неговото семејство. Министерството за одбрана изразува жалење за несреќата и испративме телеграми со сочувство до Република Турција во врска со смртта на припадниците на вооружените сили на Република Турција. Во контакт сме со родителите, ќе ја следиме понатамошната состојба, а моментално се на редовни лекарски прегледи“, објасни Ахмиќ за Н1.