Денеска (26.06.2022) во периодот од 09.00 до 15.00 часот Мобилната единица за безбедност на сообраќајот на патиштата спроведе засилена акциска контрола на автопатот Куманово – Скопје – Велес за санкционирање на возила кои се движат со брзина поголема од дозволената, при што санкционирани се 98 возачи. Од нив, 18 возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина.

МВР апелира до сите учесници во сообраќајот да ги почитуваат сообраќајните правила и прописи и заеднички да придонесат за побезбедни патишта.

Ресенчанецот кој вчера со комбе се обиде да прегази инспектори и полициски службеник откако бил отстранет од Градскиот пазар Припел каде продавал производи, се здоби со мерка притвор во КПУ Затвор Битола.

СВР Битола-ОВР Прилеп до Основното јавно обвинителство Прилеп поднесе кривична пријава против Н.К.(53), поради постоење на основи на сомнение за сторено кривично дело „загрозување на сигурноста” и две кривични дела „напад врз службено лице при вршење работи на безбедноста”.

Од МВР информираат дека полицискиот службеник испукал со пиштол во гумите на возилото.

Дваесетгодишен неготинец синоќа одбил да запре на даден знак за запирање и се обидел со возилото да удри полициски службеник кој изврѓувал службени дејности.

И.С. (20) од Неготино е приведен, а по целосно документирање на случајот ќе биде поднесен соодветен поднесок.