Полицијата откри 97 странски градежни работници кои непријавени работат на објекти на фирма од Турција, што се наоѓа зад „Рамстор“.

Градежниот објект се наоѓа помеѓу бул.„Кирил и Методиј“ и ул.„Јордан Мијалков“, а било утврдено и дека работниците незаконски престојуваат во земјава.

Тие биле приведени и по целосно документирање на случајот против нив ќе бидат поднесени соодветни пријави. Исто така, соодветни пријави ќе бидат поднесени против фирмата и против 15 други фирми-подизведувачи.

Триесет и петгодишна жена од Тетово пријавила во полиција дека нејзиниот сопруг вчера физички ја нападнал неа и нивната ќерка и оштетил дел од покуќнината.

Тој бил приведен во полициски станица, а по целосно документирање на случајот против него ќе биде поднесена соодветна пријава.

Во близина на мостот на автопатот Велес-Катланово, во водите на реката Пчиња, вчера бил пронајден починат 73-годишен маж.

Според информациите од МВР, се работи за жител на Катланово, со иницијали С.П. кој на 20 јануари бил пријавен за исчезнат.

Смрт констатирал лекар од Итна медицинска помош, а по наредба на Јавен обвинител телото било предадено за обдукција.