Синоќа во 22:30 часот во ПО-Велешта Т.Ш. (32) пријавил дека околу 20:30 часот во центарот на с. Вевчани (пред кафебар) додека следел митинг на политичка партија едно лице лажно му се претставило дека е полициски службеник и му побарало лична карта и откако ја фотографирал личната карта, му се заканил на пријавителот.

Потоа, според пријавеното, лицето влегло во кафе-барот и им ги побарал а потоа и ги фотографирал личните карти на И.Д., М.Д., В.П., К.Р., Т.В. и Н.Б., сите од Вевчани, а потоа, без да се легитимира со службена легитимација, се оддалечило.

Се преземаат мерки за расчистување на случајот, соопштија надлежните.

Гостиварското Основно јавно обвинителство поднесе обвинение против 28-годишен жител на селото Форино, кој се товари дека сторил кривично дело тешка телесна повреда.

На 28 септември, во селото Добридол, при вршење семејно насилство, обвинетиот тешко ја повредил поранешната свршеница.

Тој ја пречекал оштетената, која се упатила кон својот дом, ја фатил за десната рака и почнал да ја влече за да ја внесе во својот автомобил.

Жената паднала по што обвинетиот почнал да ја удира со тупаници по лицето и телото нанесувајќи ѝ тешки телесни повреди – нагмечувања, скршеници и потрес на мозок​от.

Две малолетни деца се повредени во сообраќајната несреќа во Битола што се случи помеѓу автомобил и мопед. Едното од децата го возело мопедот, а второто било сопатник, информираат од полицијата.

„На 24.10.2021, во 19.45 часот, во СВР Битола било пријавено дека на крстосницата од улиците Широка и Смилево во Битола се случила сообраќајна несреќа помеѓу патничко возило ‘фолксваген поло со скопски регистарски ознаки, управувано од Т. Р. (42) од Битола, и мопед, без регистарски ознаки, управуван од малолетник од Битола. Во несреќата тешки телесни повреди добил мотоциклистот, а малолетниот сопатник на мопедот добил телесни повреди, констатирани во Клиничката болница Битола“, соопшти МВР.

Увид извршила екипа на СВР Битола.