Вчера на автопатот Пријателство, во близина на клучка Петровец, се случила сообраќајна несреќа помеѓу патничко возило „ауди А6“, со српска национална ознака, управувано од М.Н. од Р. Србија и мотоцикл „хонда“ со национална ознака на БиХ, управуван од В.М.(38) од БиХ.

Во несреќата возачот на мотоциклот се здобил со тешки телесни повреди, констатирани во комплекс клиники „Мајка Тереза“. Увид на местото извршила екипа од СВР Скопје, соопшти МВР.

Вчера во Полициската станица во Кавадарци било пријавено дека на фудбалскиот терен во рамки на детското одморалиште Михајлово – Кавадарци, каде што престојувале ученици од основно училиште од Скопје, еден малолетник бил повреден откако пречката од голот се превртела и паднала.

Малолетникот се здобил со тешки телесни повреди, констатирани во Комплекс клиники „Мајка Тереза“ Скопје.

Увид извршила увидна екипа од Кавадарци, соопшти МВР.

Денеска во периодот од 14 до 20 часот полициски службеници од СВР Куманово спроведоа засилена акциска контрола за санкционирање на возачи кои управуваaт возило со брзина поголема од пропишаната на територија на СВР Куманово, при што санкционирани се 114 возачи.

Од нив, 104 санкции се изречени на територија на Куманово, 8 санкции на територија на Кратово и 2 на територијата на Крива Паланка.

Засилените сообраќајни контроли продолжуваат и во наредните денови.