Полициски службеници синоќа при вршење контрола во чајџилница, затекнале дека објектот работи по дозволеното работно време и дека внатре има околу 20 лица. Објектот е затворен, а ќе биде поднесена и кривична пријава.

„ На 06.03.2021 во 22.30 часот од полициски службеници од СВР Куманово е извршена контрола во чајџилница на ул.Карл Маркс во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време и во него биле затекнати околу 20 лица.

Објектот од страна на Државен пазарен инспекторат е затворен. По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.

Синоќа во Тетово е приведен 61-годишен жител на село Пирок, кој се барал со потерница за издржување казна затвор во траење од една година.

„ На 06.03.2021 во 20 часот во Тетово полициски службеници од ПС Тетово го приведоа Н.Ш. (61) од с. Пирок кој се барал со потерница за издржување на казна затвор во траење од една.година за кривично дело по член 396 од КЗ на РСМ“ соопшти МВР.

Лицето ќе биде предадено на казнено поправна установа.

Медицинска сестра вработена на Гинекологија на Комплекс клиники „Мајка Тереза“ утрово додека била на своето работно место во амбулантата, била физички нападната од нејзин колега, вработен како доктор.

На 06.03.2021 во 07.00 часот во СВР Скопје, С.С.(29) од Скопје пријавила дека околу 05.45 часот во амбулантата на Гинекологија на Комплекс клиники„ Мајка Тереза“ додека била на своето работно место како медицинска сестра по претходна расправија била физички нападната од Т.М.(33) од Охрид, вработен како доктор.

Сочинет е записник за констатиран прекршок по чл.12 од ЗППЈРМ.