Контакт

Топ

Со ремен ја тепал сопругата, замавнал со нож кон ќерката, гостиварец вршел семејно насилство

Објавено пред

43-годишен гостиварец е обвинет за семејно насилство, информираа надлежните.

Основното јавно обвинителство Гостивар поднесе Обвинителен предлог против 43-годишен гостиварец за кривичните дела телесна повреда од член 130 став 2 во врска со став 1 и загрозување на сигурноста од член 144 став 2 во врска со став 1 од Кривичниот законик.

Обвинетиот на 15 октомври, при вршење семејно насилство во домот во кој живеел во заедница со оштетените, започнал расправија по што ги нападнал оштетените и нанел телесни повреди. Тој побарал парични средства, но откако сопругата му кажала дека нема, започнал да ја удира со шлаканици. Потоа побарал пари и од ќерката, но откако не му биле дадени се упатил да го земе нејзиниот мобилен телефон за да го продаде. Кога ќерката се обидела да повика полиција, осомничениот зел нож од кујната и замавнал кон неа, во што бил спречен од сопругата. Тој продолжил со намерата, удирајќи ја сопругата со ремен во пределот на грбот и левата натколеница нанесувајќи ѝ телесни повреди.

Кривичното дело загрозување на сигурноста обвинетиот го сторил на штета на неговата ќерка. Тој неколкупати праќал пораки на нејзиниот мобилен телефон со закани кон неа и нејзината мајка.

Јавниот обвинител  поднесе и предлог до Основниот суд Гостивар за продолжување на претходно определената мерка притвор за обвинетиот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Објавен документ на американските служби: Русите ќе ја нападнат Украина со 175.000 војници?

Објавено пред

Не стивнуваат тензиите меѓу Москва, Киев и Вашингтон поради шпекулациите дека рускиот претседател Владимир Путин подготвува инвазија на Украина. Сега и американското разузнавање ги објави своите наоди за плановите на Русија за офанзива што би била изведена на повеќе фронтови, а која според процените, би опфаќала 175.000 војници и би можела да се случи веќе в година.

Разузнувачкиот документ со мапа за можната инвазија, со наслов „Потенцијал за 175.000 руски сили во близина на Украина: докази за планирање и неодамнешно движење на артилерија, опрема и човечка сила“ е добиен и објавен од „Вашингтон пост“, а за него има потврда од американски официјални лица.

Веќе извесно време е познато дека Русија трупа сили по должината на границата со Украина – односно и покрај старата граница, по должината на источната украинска покраина Донбас, која седум години е под контрола на руските сепаратисти, и покрај новата, која настана со руската анексија на полуостровот Крим.

Путин рече дека има закани за Русија со вежби на американските нуклеарни бомбардери, кои летаат над Црното Море, како и со американските системи за ракетна одбрана во Полска и Романија.

„Потребни ни се прецизни правни гаранции бидејќи нашите западни колеги не ги почитуваа нивните усни обврски“, рече рускиот претседател додавајќи дека сите знаат oти се дадени усни гаранции за непроширување на НАТО на исток (по распадот на СССР), а во реалноста се прави токму спротивното.

Вашингтон, кој се закани со сериозни последици во случај на руска инвазија, се надева дека ќе ги смири тензиите и ќе постигне некаков договор со Москва на виртуелната средба меѓу Путин и американскиот претседател Џо Бајден закажана за вторник. Самиот Бајден веќе јавно го предупреди Путин да не интервенира воено во Украина и најави нови иницијативи за заштита на оваа источноевропска земја, а состанокот на министрите за надворешни работи на НАТО во Рига, Латвија, минатата недела беше очигледно една од тие иницијативи.

„Плановите на Русија предвидуваат воена офанзива врз Украина уште на почетокот од 2022 година, со сили двојно поголеми од она што го видовме минатата пролет за време на вонредните руски вежби во близина на границите на Украина. Плановите вклучуваат опсежно движење на 100 тактички баталјони со околу 175.000 луѓе заедно со оклопни возила, артилерија и опрема“, изјавил претставник од американската администрација за „Вашингтон пост“ барајќи да остане анонимен за да може да ги открие овие чувствителни информации.

Некласифицираниот документ на американските разузнавачки служби објавен од овој американски весник, а кој вклучува и сателитски фотографии, покажува како руските сили се собираат на четири места. Во моментот на бојното поле се распоредени 50 тактички групи заедно со новопристигнатите тенкови и артилерија, се вели во документот.

Интересно е што во документот на американското разузнавање се наведува помал број руски војници од процената на нивните украински колеги.

Според американската процена, таа бројка во моментот е околу 70.000, но Американците истовремено предупредуваат на опсежното движење на баталјонските тактички групи кон и од границата со цел, како што се вели, да се прикријат намерите и да се создаде неизвесност.

Според украинската војска, бројот на руски војници распоредени по должината на украинската граница во моментот е околу 94.000 што, како што наведуваат украинските служби, веројатно не е доволно за успешна инвазија, но може да биде основа за подготовка за инвазија за многу кратко време.

Прикажи повеќе...

Македонија

Нови 101 случај на коронавирус, починаа 13 лица

Објавено пред

Во последните 24 часа направени се 1.299 тестирања, а регистрирани се 101 нови случај на Ковид-19: Скопје – 59, Кавадарци – 10, Битола – 8, Прилеп – 7, Штип – 3, Тетово, Гостивар, Велес, Кочани и Неготино – по 2, Кичево, Ресен, Валандово и Македонски Брод – по 1.

Регистрирани сe 393 оздравени пациенти, и тоа од: Скопје – 123, Битола и Охрид – по 37, Кавадарци – 20, Велес и Крива Паланка – по 19, Прилеп – 15, Кочани – 13, Тетово и Куманово – по 12, Штип и Струга – по 9, Кратово – 7, Ресен, Берово, Делчево и Демир Хисар – по 6, Неготино, Валандово и Радовиш – по 5, Гевгелија, Свети Николе и Виница – по 3, Струмица , Пробиштип, Богданци, Македонска Каменица и Дојран – по 2, Кичево, Крушево и Демир Капија – по 1.

Во текот на изминатите 24 часа регистрирани се 13 починати лица: 6 од Скопје (39, 71, 74, 77, 80 и 81), 2 од Куманово (75 и 80) и по едно починато лице од Берово (77), Битола (69), Велес (71), Македонска Каменица (35) и Ресен (76). Сите пријавени лица се починати во болнички услови.

Дополнително, во согласност со регистарот на умрени лица со дијагноза Ковид-19 од „Мој термин“, пријавени се 4 починати лица со датум на смрт од 29.11.2021 до 4.12.2021. Регистрираните починати лица се од Скопје (2), Струмица (1), Битола (1) и се на возраст од 58 до 78 години. Три лица се починати во домашни услови и едно во болнички услови.

Направени се 1.299 теста преку: ИЈЗ – 51, ЦЈЗ Скопје – 27, ЦЈЗ Битола – 0, ЦЈЗ Прилеп – 0, ЦЈЗ Тетово – 0, ЦЈЗ Куманово – 12, Клиника за инфективни болести и фебрилни состојби – 1, Судска медицина – 0, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 0, Институт за микробиологија – 99, „Жан Митрев“ („Филип Втори“) – 81, „Авицена“ – 60, „Биотек“ – 97, „Систина“ – 53, лабораторија „Лаор“ – 0, „Синлаб“ – 0, „Ремедика“ – 0, „Плодност“ – 0, „Генеа“ – 0, „Никоб лаб“ – 293, „ВФВ медикал“ – 31, „Ели медика“ – 39, „Ројал медика“ – 0, „Спектра-ММ“ – 0, „Рапид лаб“ – 0, „Жан Митрев Струмица“ – 0, „Нова лаб дијагностика“ – 0, ЈЗУ и ПЗУ (рапид-тест) – вкупно 455.

Досега во земјата се направени вкупно 1.485.944 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 217.400, бројот на оздравени пациенти е 203.967, на починати е 7.658, а бројот на активни случаи изнесува 5.775.

Според епидемиолошки анализи, во моментот дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје 95.111, Активни 2.768
Куманово 12.941, Активни 201
Тетово 11.344, Активни 103
Прилеп 10.318, Активни 321
Битола 8.823, Активни 521
Гостивар 8.069, Активни 19
Велес 7.342, Активни 176
Кавадарци 7.050, Активни 228
Штип 6.614, Активни 116
Охрид 6.522, Активни 200
Струмица 6.136, Активни 118
Кичево 4.228, Активни 36
Кочани 4.020, Активни 112
Струга 3.909, Активни 37
Гевгелија 2.811, Активни 83
Неготино 2.574, Активни 45
Свети Николе 2.126, Активни 48
Крива Паланка 1.906, Активни 76
Ресен 1.756, Активни 55
Радовиш 1.741, Активни 53
Берово 1.460, Активни 71
Дебар 1.456, Активни 2
Делчево 1.415, Активни 105
Виница 1.161, Активни 21
Пробиштип 1.126, Активни 26
Валандово 948, Активни 41
Кратово 776, Активни 34
Богданци 645, Активни 22
Демир Хисар 617, Активни 49
Крушево 593, Активни 32
Македонски Брод 499, Активни 11
Демир Капија 425, Активни 4
Македонска Каменица 418, Активни 27
Пехчево 352, Активни 9
Дојран 168, Активни 5

Прикажи повеќе...

Македонија

Димитар Ковачевски почна со презентација на програмата пред членовите на СДСМ

Објавено пред

Актуелниот кандидат за претседател на Социјалдемократскиот сојуз, Димитар Ковачевски, пред членството на партијата во Општина Карпош ја презентира својата изборна програма. Ковачевски периодов ја претставува својата програма пред раководствата на општинските организации, форумите на жени, членовите на Централниот одбор и пратениците од сите скопски општини.

Фокусот на програмата на Ковачевски е врз внатрешното реформирање на партиските процеси, кои би резултирале со поголема инклузивност на членовите на партијата кон директно оценување на работата на раководството и финално до зацврстување на релациите и соработката Влада – локална самоуправа – партија.

Ковачевски на средбата ја истакна реформата на месните одбори, кои во иднина треба да прераснат во појдовна точка на зголемување на функционалноста на партијата.

„Функционирањето на месните одбори комплетно ќе се ревидира, при што основите за функционалноста на партијата мора да почнуваат токму од овие локални, но суштински јадра на партијата. Нашите членови ќе мора да нè евалуираат нас како раководство и ние да постапуваме“, изјави Ковачевски.

Дополнително, Ковачевски додаде дека како дел од својата програма предвидува и ревидирање на партиските комисии. Според него, токму комисиите се клучни да се активираат како тела во креирањето и евалуирањето на политиките на партијата. Тој додава дека позицијата на партијата мора да се зацврсти до таква мерка што СДСМ ќе претставува столб во креирањето на политиките на државата.

Димитар Ковачевски ја поднесе својата кандидатура за иден претседател на Социјалдемократскиот сојуз преку својата програма со наслов „Заедно, одговорно и посветено“, која се темели на три столба: социјалдемократска визија, економски раст и фер шасна и јасен систем со одговорности. На денот на поднесување на својата кандидатура тој истакна дека секој глас од партијата треба да биде слушнат, а на вчерашната средба Ковачевски и потврди дека интерните консултации во партијата се потребни на секое ниво – што може да се забележи како силна компонента во програмата на Ковачевски.

Прикажи повеќе...

Најново

Свет2 часа

Објавен документ на американските служби: Русите ќе ја нападнат Украина со 175.000 војници?

Не стивнуваат тензиите меѓу Москва, Киев и Вашингтон поради шпекулациите дека рускиот претседател Владимир Путин подготвува инвазија на Украина. Сега...

Македонија2 часа

Нови 101 случај на коронавирус, починаа 13 лица

Во последните 24 часа направени се 1.299 тестирања, а регистрирани се 101 нови случај на Ковид-19: Скопје – 59, Кавадарци...

Македонија4 часа

Димитар Ковачевски почна со презентација на програмата пред членовите на СДСМ

Актуелниот кандидат за претседател на Социјалдемократскиот сојуз, Димитар Ковачевски, пред членството на партијата во Општина Карпош ја презентира својата изборна...

Македонија5 часа

Ескобар: Работиме со европските партнери за брза интеграција на Северна Македонија во ЕУ

Со нашите европски партнери работиме за да обезбедиме брза европска интеграција на Северна Македонија, изјави американскиот заменик-помошник на државниот секретар...

Регион5 часа

Радев на консултации пред врачувањето на мандатот, Петков вели: „Неопходно е да се формира влада“

Времето на едноличната премиерска власт заврши, истакна бугарскиот претседател Румен Радев пред претставниците на „Промената продолжува“, а за време на...

Економија6 часа

Бесими го достави дополнетиот предлог-буџет за следната година

Министерот за финансии, Фатмир Бесими, денеска го достави дополнетиот предлог-буџет за 2022 година до претседателот на Собранието, Талат Џафери, кој...

Европа6 часа

Следната пандемија би била посмртоносна од Ковид-19, предупредува креаторката на „Астра зенека“

Идните пандемии би можеле да бидат посмртоносни од сегашната криза предизвикана од Ковид-19, предупреди Сара Гилберт, професорка на Универзитетот „Оксфорд“...

Свет6 часа

(Видео) Најмалку 15 загинати и голем број исчезнати по силната ерупција на вулканот Семеру

Индонезискиот вулкан Семеру и денеска продолжи да исфрла големи количества пепел, неколку дена по силната ерупција, во која загинаа 15...

Европа7 часа

Откриен извештај – Германија воведува задолжителна вакцинација во неколку ресори

Новата германска влада има намера од средината на март да воведе задолжителна вакцинација за вработените во одредени ресори, пренесуваат светските...

Европа8 часа

Невакцинираните во Италија нема да може да користат јавен превоз без ковид-потврда

Во Италија од денеска стапија во сила построги мерки против коронавирусот, со кои невакцинираните лица ќе бидат исклучени од многу...

Свет19 часа

Папата на Лезбос со мигрантите – стотици бели ливчиња, апел за помош

Папата Франциско на вториот ден од посетата на Грција го посети бегалскиот камп на островот Лезбос. Тој ја обвини Европа...

Свет21 час

Путин предупреди: Полјаците ги полеваат мигрантите со хербициди на граница

Рускиот претседател Владимир Путин ја повика директорката на Федерацијата на Црвениот крст и Црвената полумесечина, Франческа Рока, да внимава на...

Свет21 час

Фаучи: Засега, не треба да бидеме премногу загрижени за омикрон

“Првите „малку охрабрувачки знаци“ доаѓаат од Јужна Африка кога станува збор за сериозноста на инфекциите со омикрон” , изјавил советникот...

Европа23 часа

(Видео) Со водени топови и солзавец растерани демонстрантите во Брисел

Белгиската полиција денеска употреби водени топови и солзавец за да ја растера групата демонстранти во Брисел. Учесниците на маршот протестираа...

Македонија1 ден

Заев прифати меѓународна истрага за случаите „Монструм“, „Диво Насеље“ и Алмир Алиу

Постигната е согласност Владата да испрати официјално барање до Европската Комисија со кое ќе побара тим од независни експерти кои...

Македонија1 ден

(Видео) Алтернатива доби две министерства и министер без ресор, Гаши и Заев најавија стабилно мнозинство

Алтернатива доби три министерства во Владата на заедничка прес-конференција соопштија претседателот во заминување на СДСМ, Зоран Заев и лидерот на...

Македонија1 ден

Десет починати и 276 новозаразени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 2.720 тестирања,...

Регион1 ден

(Видео) Поројни врнежи од дожд во Хрватска, поплавени улици и патишта

Пороен дожд утрово врне на Јадранот локално и со пороен дожд и грмежи. Во текот на денот се очекуваат обилни...

Топ1 ден

Петмина повредени во судир на автомобил и трактор на патот Битола-Ресен

Пет лица се повредени во тешка сообраќајна несреќа што се случила вчера на магистралниот пат Битола-Ресен, кај „Сопотски ливади“. Несреќата...

Свет1 ден

Научниците со нови сознанија: Омикронот можеби презел дел од генот на вирусот на настинката

Новиот сој на коронавирус, омикрон, можеби стекнал барем една од неговите мутации со собирање фрагмент од генетски материјал од друг...

Досие