Црна хроника
Србинка побарала помош додека била во автомобил со тетовец

Полициски службеници вчера во попладневните часови ги привеле Е.М. (42) од Тетово и 26-годишна Србинка со иницијали М.Н, со престој во тетовско.
Како што информираат од МВР, околу 15.30 на магистралниот пат А2-Прогрес 98, во близина на угостителски објект, полицајците сопреле автомобил „пасат“ со тетовска регистрација, управуван од 42-годишникот, а во кој како совозач била српската државјанка која барала помош.
По извршен разговор, 26-годишната девојка, која била во видно алкохолизирана состојба, кажала дека била во љубовна врска со Е.М. и сама влегла во возилото.
Полицијата работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанец фатен како пренесува над половина килограм марихуана во автомобил

Скопјанец е фатен како пренесува над половина килограм марихуана во автомобил.
Според информациите, во саботата, на улицата Методија Митевски во Скопје, како сопатник на задно седиште во автомобил, осомничениот неовластено пренесувал 507,4 грама наркотична дрога марихуана во поголема кеса. При претрес на возилото полициски службеници ја откриле и ја одзеле дрогата наменета за неовластена продажба.
Основното јавно обвинителство Скопје донесе наредба за спроведување истражна постапка против 29-годишникот под сомнение за кривично дело неовластено производство и пуштање во промет наркотични дроги, психотропни супстанции и прекурсори според член 215 став 1 од Кривичниот законик.
Бидејќи постои опасност осомничениот да се даде во бегство, да влијае врз сведоците, но и да го повтори делото за кое против него и претходно се воделе други постапки, јавниот обвинител до судијата на претходна постапка од Основниот кривичен суд Скопје достави предлог за определување мерка притвор.
Црна хроника
Сообраќајна несреќа кај Качанички Пат

Сообраќајна несреќа утрово се случи кај Качанички Пат.
Движењето на улицата е отежнато, информираа од Центарот за управување со кризи.
Според првичните информации, нема загинати патници.
Топ
Детали за несреќата кај Три Чешми: се судриле товарно возило и „голф“, возачот на автомобилот загинал

Во тешката сообраќајна несреќа, која се случила на автопатот Миладиновци – Штип, загинал возач на автомобил со гевгелиски регистарски ознаки.
Ова од МВР го потврдуваат за „Макфакс“ и додаваат дека увидот е во тек, а сообраќајната несреќа е пријавена изутринава пред 6 часот.
Првичните информации со кои располага полицијата се дека се судриле товарно возило „ман“, кое имало косовски ознаким и патничко возило „голф“, чиј возач загинал на самото место, што било констатирано од екипа на брзата помош.
Автопатот беше затворен за сообраќајм известија и од АМСМ.
МВР, по увидот, ќе излезе и со повеќе информации во јавноста.
Се утврдува причината за несреќата.