Црна хроника
Српски криумчар на мигранти фатен на автопатот Неготино – Демир Капија
На автопатот Неготино – Демир Капија, синоќа околу 22 часот полициски службеници лишиле од слобода 20-годишен државјанин на Србија со иницијали Ф.Р, кој нелегално превезувал 41 мигрант од Куба и Индија, од кои петмина биле малолетници.
Како што информираат од МВР, возачот управувал товарно возило „фиат дукато“ со скопски регистарски ознаки.
По целосно документирање на случајот, против Србинот ќе биде поднесена кривична пријава до надлежното обвинителство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.