Тројца пациенти загинаа, додека повеќе од 200 беа евакуирани од болницата Тиволи во предградието на Рим каде што избувна голем пожар во текот на ноќта.

Според локалните медиуми, пожарот избувнал во просториите на клиниката, кои се наоѓаат два ката под земјата, по што ги зафатил мртовечницата и првиот кат од болницата. Другите одделенија немаше да бидат погодени, но многу густ чад ја зафати целата болница, поради што беше потребна евакуација.

Најмалку еден од пациентите починал од недостаток на кислород.

Покрај тројцата повредени пациенти, пронајдено е и телото на едно лице кое било задржано во мртовечницата.

Јавното обвинителство во Тиволи отвори истрага за пожарот во болницата Сан Џовани Евангелиста и наредена е обдукција на телата на жртвите за да се утврдат причините за смртта.

🔴 #Tivoli, #incendio nell'#ospedale: morti
4 anziani, due uomini e due donne

200 pazienti evacuati, anche bambini
Il rogo a San Giovanni Evangelista scoppiato nel centro “Rifiuti speciali” nei sotterranei
Due feriti gravi#9dicembre @vinmorgante #video @vigilidelfuoco pic.twitter.com/rdRZuiD1Jv

— Tv2000.it (@TV2000it) December 9, 2023

Членовите на семејството на пациентот кој почина во Тиволи бараат итна истрага.

„Сакаме да се разјаснат причините за смртта на нашата мајка. Ни кажаа дека починала кога избувнал пожарот, но не од чадот. Таа имаше 84 години и имаше проблеми со белите дробови. Таа е хоспитализирана на третиот кат. Сега нејзиното тело е во болничката капела бидејќи не можело да се однесе во мртовечница“, велат членовите на семејството на жртвата Џузепине Фака.

Тврдат дека за трагедијата дознале од вестите.

„Ни кажаа дека нашата мајка не умрела од пожарот, иако починала во исто време. Ја сакаме вистината“, вели ќерката на жртвата.

Партиите и денеска со меѓусебни обвинувања за тоа со кого бил близок Љупчо Палевски, убиецот на малата Вања.

Од ВМРО-ДПМНЕ велат дека Спасовски и власта замижувајќи пред поведението на Палевски, создадоа монструозен лик кој се товари за две свирепи убиства, на велешанецот Панче и за малата Вања. Додаваат дека „Овие две убиства ќе им тежат на совеста на Спасовски и власта од повеќе причини“.

„Затоа што дозволија Палевски да сее омраза, да навредува, да се заканува и да клевети преку своите поткасти и гостувања на интернет порталот и за сето тоа да помине несанкциониран, ниту пак било кој од порталот или институциите да го опомене. Тоа го охрабри да почне да рекетира и да уценува, па дури и да убива. Власта на Ковачевски и Спасовски сето тоа го одмолча, мислејќи дека така и создава опозиција на опозицијата.

Молкот на Спасовски и власта покажува дека оваа трагедија се случи заради неказнивоста кон Палевски поради неговата заштита која ја уживал во партиски и полициски структури на СДС, поради тоа што после толку сеење на омраза и создавање на токсична атмосфера се почуствувал охрабрен да стори вакво дело и поради тоа што постојат серија пропусти во истрагата уште после пријавувањето на исчезнувањето на првото лице, велешанецот Панче и неговиот автомобил“, пишуваат од партијата.

Од СДСМ, пак, бараат Мицкоски да излезе пред граѓаните и да одговори, што се договарале на средбите со Палевски.

„Палевски, кој е осомничен за двојното убиство што ја потресе целата македонска јавност, беше близок соработник на режимот на ДПМНЕ и јавно го поддржуваше Мицкоски, но и нивниот коалициски партнер Левица.

Надлежните органи, пред се Јавното обвинителство согласно законот имаат обврска да ги истражат односите на Палевски со сите негови соработници, вклучително и Мицкоски“, вели владејачката партија.

Вкупно 516 различни делови за камиони се запленети од страна на царинските службеници на граничниот премин Богородица.

Обидот за нелегален внес на делови за камиони е откриен од страна на царинските службеници на влез на граничниот премин Богородица. Возачот на камионот, против кој е поднесена прекршочна постапка, се обидел да ги прошверцува деловите за камиони, криејќи ги во различни делови на возилото.

За време на контролата, во внатрешноста на задните седишта, под и помеѓу седиштата, и во багажникот кај резервната гума се пронајдени вкупно 516 различни делови за камиони.

Меѓу непријавените делови се комплети плочки за кочење, лед фарови, задни штопови, кочиони цилиндри, стакла за фар, сетови кумплуг, разни светлосни обележувачи за приколки, како и други делови.

Во друг случај на царинска испостава Струмица е запленето едно АТВ возило, кое е откриено од страна на царинските службеници при контрола на стока пријавена за увозно царинење.

Возилото кое не е опфатено со увозната декларација е задржано, а против увозникот е поведена прекршочна постапка