Кумановската полиција поднесе кривична пријава против 40-годишниот Д.Р. од селото Оровник, општина Дебарца, поради сомнение за сторено кривично дело фалсификување пари.

Како што информираат од МВР, пријавениот набавил фалсификувана банкнота од 100 евра и на 31 октомври минатата година ја пуштил во оптек како вистинска во казино во Куманово, разменувајќи ја кај вработената на каса во денари.

Откако вработената се посомневала дека банкнотата не е вистинска ја проверила во најблиската менувачница каде ѝ било потврдено нејзиното сомневање.

Припадници на битолската полиција на 11 април го уапсиле 77-годишниот С.Е. од селото Могила.

Како што информираат од МВР, тој претходно со пиштол им се заканувал на неколку лица од селото.

По целосно документирање на случајот, против 77-годишникот ќе биде поднесена соодветна пријава.

Во утринските часови на 11 април во скопската полиција било пријавено дека на пазарот во населба Чаир има починато лице.

Полициски службеници излегле на местото и било утврдено дека станува збор за 63-годишниот Љ.К. од Скопје.

Екипа од итната медицинска помош констатирала смрт без траги на насилство, а по наредба на Јавен обвинител телото било дадено на обдукција.