Шест лица учествувале во физичка пресметка на подрачјето на Ѓорче Петров, по претходно случена сообраќајна незгода.

Од МВР информираат дека случајот бил пријавен на 10 јули во 18:00 часот во СВР Скопје.

Според пријавата, во пресметката учествувале Г.Б. (60), Н.Б. (31) и С.Б. (36), сите од Скопје, од една страна, и О.А. (35), П.А. (23) и Ш.А. (63) од село Буковиќ, скопско, од друга страна.

Полицијата презема мерки за целосно документирање на случајот, по што ќе следува соодветен поднесок.

43-годишен државјанин на Словенија е приведен во Прилеп откако, според полицијата, го симнал знамето на Општина Прилеп и го запалил.

Од МВР информираат дека на 11 јуни во 01:05 часот полициски службеници од ОВР Прилеп го лишиле од слобода П.Ј. (43) пред општинската зграда во Прилеп.

По целосно документирање на случајот, против него ќе следува соодветен поднесок.

62-годишен охриѓанец е тешко повреден откако изгубил контрола и паднал со мопед во Охрид.

Несреќата се случила на 10 јули околу 09:20 часот на кружната крстосница меѓу булевар „Туристичка“ и улицата „Абас Емин“.

Од МВР информираат дека Г.К. (62) од Охрид управувал мопед „хуатијан“ кога изгубил контрола и паднал на коловозот.

Тој бил пренесен во болницата „Св. Еразмо“ во Охрид, каде му биле констатирани тешки телесни повреди.

При проверка било утврдено дека мотоциклистот имал 0,74 промили алкохол во крвта.

По насока на јавен обвинител, увид извршила увидна екипа од СВР Охрид.