Четири автомобили се судрија вечерва на булеварот „Партизанска“ во Влае во близина на бензинската станица на „Макпетрол“. Очевидци велат во сообраќајката има повредени.

Полиција го регулира сообраќајот оти со судирот е зафатена крајната лева лента на булеварот.

Четириесет и шестгодишен маж од Прилеп е пријавен од родител дека извршил обљуба над нивната 15-годишна ќерка.

„ НККР при ОВР Прилеп денеска (23.01.2021) поднесе кривична пријава до ОЈО Прилеп за сторено кривично дело “обљуба со злоупотреба на положбата” против Р.П.(46), пријавен од родител дека извршил обљуба врз 15-годишна малолетничка“ соопшти МВР.

Од страна на судија на претходна постапка определена му е мерка притвор во траење од 30 дена во КПУ Битола.

Бројот на приведени илегалци кои работеле како градежници на градилиштата кај Стара железничка во Скопје од 50 се искачи на 97. Сите се странци без регулиран престој во Македонија и работеле непријавени.

„ Денеска (23.01.2021) во Скопје, полициски службеници од Регионалниот центар за гранични работи Север при БЈБ – МВР спроведоа контрола на градежни објекти на фирма од Република Турција помеѓу бул.„Кирил и Методиј“ и ул.„Јордан Мијалков“ поради сомнение дека повеќе странски државјани непријавени работат на објектите и незаконски престојуваат во Република Северна Македонија. Притоа, на објектите биле затекнати 97 странски државјани кои немаат регулиран престој и кои работат непријавени. Тие биле приведени и по целосно документирање на случајот против нив ќе бидат поднесени соодветни пријави. Исто така, соодветни пријави ќе бидат поднесени против фирмата и против 15 други фирми-подизведувачи“, велат од МВР.

Попладнево, додека се уште траеше приведувањето, МВР извести дека се приведени 50 градежници, но дека контролата се уште трае. Сите се пронајдени на градилиштата зад „Рамстор“ каде што турската компанија „Лимак“ која се преставува како една од најголемите градежни компании во светот гради подземна сообраќајница и деловно- трговски комплекс со четири дваесетканици.