Тетовската полиција го расчисти случајот со видео-клипот кој неодамна преку социјалната мрежа „Тик-ток“ се појави во јавноста, а се однесува на незаконско поминување на наплатна рампа, информираат од МВР.

Како што додаваат од таму, на него се гледа како маж покажува некаква легитимација на наплатна станица и без да плати надоместок, поминува со возило „мерцедес“, со гостиварска регистарација.

Вадење легитимација и лабаво по патарина..
ШЕРИФСКИ!👏
🆘️🚨🆘️🚨🆘️🚨 pic.twitter.com/cjdU97UrT8

— Две Ѕвезди (@dvezvezdi1) January 15, 2021

Станува збор за М.З. (32) од тетовско Желино и со него на 18. јануари бил извршен службен разговор во полициска станица, а по целосно документирање на случајот ќе следи и соодветен поднесок.

Воедно од МВР појаснуваат дека М.З. не е вработен во министерството, како што претходно беше објавено во дел од медиумите.

Полицијата во текот на вчерашниот ден (19 јануари) продолжила со засилените сообраќајни контроли, а мерки биле преземени и на територијата на скопски Сарај, информираат од МВР.

Од таму додаваат дека во Сарај изречени се вкупно 65 мерки, меѓу кои за возење без возачка дозвола 15 санкции, 7 за технички неисправни и нерегистрирани возила, 9 санкции за користење мобилен телефон.

Од МВР нагласуваат дека засилените сообраќајни контроли продолжуваат и во наредните денови.

Затореник во КПУ Штип со друго лице договорил набавка на марихуана и таблетки „бупренорфин“ и организирал внесување на пакет наманет за друго лице.

Тоа се случило на 09.06.2020 година, додека пријавениот бил на издржување казна затвор во Казнено-поправната установа Штип. При преглед на пакетот дрогата и таблетите биле пронајдени и одземени.

СВР Штип поднесе кривична пријавa против С.С.(35) од Куманово, поради „неовластено производство и пуштање во промет на наркотични дроги, психотропни супстанции и прекурсори“.