Црна хроника
Баба изгорела во својата куќа во Нов Дојран
Во пожар што ја зафатил семејната куќа на П.К.С. во Нов Дојран на ул.„Илинденска“, изгорела деведесет и две годишна баба, јави полицијата.
Имено во полицијата во Гевгелија по 14 часот во средата бил пријавен пожарот, во кој изгорела П.К.С.(92), а смртта ја констатирал лекар од Итната медицинска помош.
Смртта настапила од настанатиот чад од пожарот и од изгореници по телото.
Пожарот веднаш бил локализиран. Извршен бил увид и во консултација со Јавен обвинител телото на починатата е предадено на семејството за погреб.
Уште еден пожар се случил во средата околу 19.30 часот во Гостивар на ул.„Илинденска“, на балконот од станот сопственост на В.И. (49), кој со сериозни изгореници е префрлен во Ургентниот центар во Скопје.
Пожарот настанал од непознати причини во скарата која била поврзана со плинска боца, по што пожарот се проширил.
На местото на настанот веднаш биле пристигнати екипи на ТППЕ-Гостивар и итната медицинска помош, по што за кратко време пожарот бил локализиран. В.И. со возило на брзата помош бил пренесен во болницата во Гостивар каде му се констатирани изгореници од трети и четврти степен по целото тело. П
оради сериозноста на повредите бил препратен во Ургентен центар Скопје. Увид на местото на настанот извршила екипа од ПС Гостивар. Се преземаат мерки за целосно расчистување на настанот. /крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.