Црна хроника
Битолчанка осомничена за продажба на хероин
Битолчанка со моментално престојувалиште во Ресен е осомничена за продажба на хероин, откако полицијата по спроведен претрес кај неа пронашла кеса со наркотичната дрога, соопшти МВР.
Од таму дообјаснуваат дека Основното јавно обвинителство Битола донело наредба за спроведување истрага против лице од Битола со моментално престојувалиште во Ресен за кривично дело неовластено производство и пуштање во промет на наркотични дроги, психотропни супстанции и прекурзори казниво по Кривичниот законик, а до надлежниот суд поднесен е предлог за определување мерка ќуќен притвор за осомничената.
Осомничената на 6.6.2021 година, околу 19:00 часот, во Ресен, неовластено заради продажба држела кај себе една најлонска кеса со наркотична дрога хероин со нето-маса од 29,68 грама, која била пронајдена и откриена при извршен преглед од страна на полициски службеници од ОВР Ресен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.
Црна хроника
Приведен крадец во Кочани, расчистени седум кривични дела
По преземени оперативни мерки и активности, полициски службеници од ОВР Кочани при СВР Штип расчистија седум кривични дела, од кои пет кривични дела „тешка кражба“ и две „тешка кражба“ на дрзок начин извршени на територијата на Кочани од угостителски и продажни објекти и една од физичко лице, извести МВР.
„Поради постоење основи на сомнение дека е сторител на делата, на 27.03.2024 од слобода бил лишен Е.Р.(37) од Кочани. Во службен разговор во полициска станица тој ги признал кривичните дела, а поголем дел од украдените предмети биле пронајдени и вратени на оштетените граѓани“, соопшти МВР.
По целосно документирање на случаите, против него ќе бидат поднесени соодветни пријави.
Црна хроника
Тетовец ја истепал сопругата
Полициски службеници на СВР Тетово, вчеравечер околу 21 часот и 35 минути во Тетово го лишиле од слобода 40-годишниот тетовец М.Е.
Тој претходно бил пријавен од неговата 43-годишна сопруга дека во семејниот дом физички ја нападнал.
Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок, соопштија надлежните.