Црна хроника
(Видео) Во Штип пресечен меѓународен транспорт на дрога, приведени двајца Косовци и еден кумановец
Полициски службеници, по претходна меѓународна меѓуинституционална размена на информации, а во соработка со Специјалната антитерористичка единица „Тигар“ и во координација со јавен обвинител од Основното јавно обвинителство за гонење организиран криминал и корупција, вчера (30 април), пресекоа меѓународен транспорт на марихуана во количина од речиси 150 килограми од Косово преку територијата на Северна Македонија со крајна дестинација Турција.
Како што информираат од МВР, во попладневните часови на 30.3.2022 на паркинг пред угостителски објект во Штип е забележано паркирано возило „ауди А6“, со кумановски регистарски ознаки, а до возилото биле пријавените И. Д. (50), К. К. (39), двајцата од Подујево, Косово, и Б. Р. (34) од Куманово.
И. Д. и К. К. се обиделе да избегаат, но биле фатени и сите тројца се лишени од слобода, соопшти портпаролот на МВР, Сузана Прањиќ-Талевска.
При извршен преглед на возилото биле пронајдени вкупно 92 полиетиленски пакувања со марихуана, некои спакувани во патни торби, а други во багажниот простор во делот за резервната гума и на задните седишта, а кај приведените лица се пронајдени и повеќе мобилни телефони, СИМ-картички од мобилни оператори од Косово и РС Македонија и пари, кои се предадени на вештачење.
Денеска (31.3.2022), од страна на СВР Штип до ОЈО за гонење организиран криминал и корупција ќе биде поднесена кривична пријава против 4 лица (3 косовски и 1 наш државјанин), од кои тројца се веќе приведени, а за едно лице, кое со товарно возило требало да ја преземе дрогата од Штип и да ја пренесе до Турција, се преземаат мерки за негово пронаоѓање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.