Црна хроника
Возило на австриската полиција учествувало во сообраќајка во Гевгелија, повредена е малолетна девојка
Вчера во 15:00 часот било пријавено дека во Гевгелија, на крстосницата од ул. Таља Бикова со ул. Маршал Тито, се случила сообраќајна незгода помеѓу патничко возило „фолксваген транспортер“, со австриски национални ознаки, сопственост на австриската полиција, управувано од С.О.(26), полициски службеник од Р Австрија и патничко возило „опел мерива“, со гевгелиски регистарски ознаки, управувано од Д.С.(38) од Гевгелија.
Во незгодата, како што соопшти МВР, со повреди се здобила малолетна сопатничка од Гевгелија од возилото „опел мерива“, констатирани во Општата болница Гевгелија.
Притоа бил извршен и увид на местото на незгодата од увидна екипа на Полициската станица Гевгелија, информираат надлежните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.