Црна хроника
Во Арачиново престрелка меѓу патници од два автомобила
Во вечерните часови на 16 август, 26-годишник од Арачиново со иницијали Ш.О. во полиција пријавил дека кон неговиот автомобил „ауди а4“ било пукано додека со него се движел низ селото, со неговата мајка Џ.О. (45) и неговиот брат А.О. (20) како сопатници.
Според пријавата, пукано било исто така од автомобил „ауди a4“ во движење, кој имал германска регистрација и во кој биле О.М. (36) од Арачиново и С.Ќ. (26) од селото Љуботен.
Во инцидентот било оштетено возилото на 26-годишникот кој го пријавил нападот. Повредени лица нема, а според пријавата, причина за пукањето биле нарушени семејни односи.
По наредба на јавен обвинител, пријавителот и неговиот брат исто така биле приведени во полициска станица, поради сомнение дека и тие употребиле огнено оружје.
По целосно расчистување на случајот ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.