Црна хроника
Во полициска акција приведени 28 танчарки во локали во Тетово и Гостивар
Во акциски контроли на полициски службеници спроведени во локали во тетовските села Горно Седларце и Желино биле затекнати 14 танчарки кои нелегално работеле во угостителските објекти. Пет од нив биле од Албанија, една од Косово и осум од Македонија.
Албанските државјанки (на возраст од 25 до 45 години) и 23-годишната државјанка на Косово биле приведени и предадени во отсекот за прекуграничен криминал, миграции, странци и реадмисија за натамошна постапка.
Била спроведена и акциска контрола во угостителски објекти во гостиварските села Чајле, Форино, Чегране, Неготино-Полошко, Дебреше и Добридол.
Во акцијата биле откриени 28 албански државјани со нерегулиран престој во нашата земја поради што биле приведени и предадени во отсекот за прекуграничен криминал, миграции, странци и реадмисија за натамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.