Црна хроника
Во Скопје пронајдени две човечки тела во фаза на распаѓање
Во два одделни случаи, во текот на вчерашниот ден (22 мај) во главниот град биле пронајдени човечки тела во фаза на распаѓање.
Првиот случај во полиција бил пријавен во 14.53 часот.
Според пријавата, на улицата „Анастас Митрев“ од стан во кој живеел 42-годишник, неколку дена се шириела непријатна миризба. При полициска интервенција во станот, телото на 42-годишникот било пронајдено во фаза на распаѓање.
Вториот случај бил пријавен речиси еден час подоцна, во 15.51, во полициската станица Бит Пазар.
Во овој случај скопјанец пријавил дека во разрушена куќа на улицата „Филип Втори“, инаку сопственост на 63-годишник, пронашол мртво тело во фаза на распаѓање.
И во двата случаја увид на местото на настанот извршиле екипи од СВР Скопје. По наредба на јавен обвинител пронајдените телаж се предадени на обдукција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.