Црна хроника
Вработен во Министерството за одбрана во Пробиштип се заканувал и ги удирал колегите на работното место
Во полициската станица во Пробиштип вчера стигнала пријава дека 45-годишен маж вработен во секторот за туризам и услуги при Министерството за одбрана дошол во работните простории и почнал да ги вознемурува и напаѓа своите колеги.
Според пријавата, тој почнал да упатува сериозни закани за животот и телото кон присутните вработени, упатувал и пцости, а потоа се насочил кон Г.А. (46) од село Злетово и му удрил една шлаканица, притоа и понатаму продолжувајќи со закани кон другите присутни.
Како што информираат од МВР, М.И. вакви закани кон вработените упатувал повеќепати. Тој бил повикан во полициската станица и во моментот се врши разговор со него, по што ќе има соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.