Црна хроника
Двајца скопјани измамиле луѓе со лажни сообраќајни незгоди и им зеле пари
Секторот за внатрешни работи Охрид до надлежното Јавно обвинителство поднесе кривична пријава против двајца скопјани поради измама.
„На 27 октомври оваа година, на улицата Марко Цепенков во Охрид, пријавените пресретнале 81-годишен охриѓанец и со намера да стекнат противправна имотна корист го довеле во заблуда и лажно му прикажале дека направиле сообраќајна незгода. Потоа му покажале часовник кажувајќи му дека е златен и му побарале 2 000 евра, при што оштениот прифатил замена.
На истиот начин, на 30 октомври годинава, на улицата Питу Гули, пријавените му пристапиле на 77-годишен охриѓанец и за случена сообраќајна незгода го довеле во заблуда и му зеле 2.000 долари во замена за наводни златни предмети“, соопшти МВР.
Со извршувањето на казнените дела пријавените стекнале противправна имотна корист од 220.000 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.