Црна хроника
Дваесет и шестгодишно момче почина во сообраќајка во Кавадарци, едно лице е во критична состојба
Момче на возраст од 26-години загина во сообраќајна несреќа што се случи попладнево околу 12.45 часот на крстосница во Кавадарци.
Во несреќата учествувале мотор и џип, а според првичните сознанија до сообраќајната несреќа дошло откако во џипот кој вртел лево на крстосница од булеварот, удрил моторот кој доаѓал од спротивниот правец.
Од силината на ударот со тешки телесни повреди се здобиле возачот и сопатникот на моторот кои итно биле пренесени на скопските клиники, информираат од Обвинителството.
Како последица од повредите, возачот на моторот на возраст од 26 години го загубил животот, а неговиот сопатник , 29 – годишен кавадарец е во критична здравствена состојба.
Дежурен јавен обвинител од Основното јавно обвинителство Кавадарци во координација со увидна екипа од Министерството за внатрешни работи изврши увид на местото на несреќата.
Јавниот обвинител издаде наредби за обезбедување и прибирање траги од лице место и наредба за обдукција на починатото лице. Во насока на расчистување на настанот ќе биде извршено и сообраќајно – техничко вештачење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.