Црна хроника
Двајца тинејџери од Сингелиќ со автомобил блокирале градски автобус зашто сакале да тепаат луѓе во него
Во текот на вчерашниот ден на скопската улица Алија Авдовиќ, автобус на Јавното сообраќајно претпријатие, кој сообраќал на линијата 65, од Транспортен центар кон село Стајковци, бил запрен од страна на тинејџери на возраст од 18 и 16 години, двајцата од село Сингелиќ.
Како што информираат од МВР, тие со автомобил „пежо 206“ со кумановски регистарски ознаки му го блокирале патот на автобусот по што излегле од возилото и побарале од возачот на автобусот да ги отвори вратите.
Возачот одбил, по што 16-годишникот со камен скршил едно странично стакло на автобусот. Веднаш по добиената пријава, полициски службеници излегле на местото на настанот и презеле соодветни мерки. Двете лица биле приведени во полициска станица и таму изјавиле дека го запреле автобусот затоа што во него се возеле три лица што претходно ги нападнале.
Од оштетувањето на автобусот две лица се пожалиле на повреди во пределот на грбот по што биле упатени на преглед во Градската општа болница. Полицијата презема мерки за целосно расчистување на овој случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.