Црна хроника
Државјанин на Албанија крадел од џамија во Тетово
Полициската станица од Тетово поднесе кривична пријава против 24-годишниот А.А. од Република Албанија поради постоење основи на сомнение за сторени кривични дела „тешка кражба” и ,,кражба”.
„Во текот на 2016 година во џамијата ‘Табана’ на улицата Мирче Ацев во Тетово пријавениот, заедно со уште едно непознато лице, со употреба на физичка сила го отвориле сандачето за донирање парични срества на верниците и одзеле околу 8 000 денари. Пред неколку дена, во истата џамија, пријавениот заедно со уште едно непознато лице, од метален сеф кој бил отворен одзеле од 3 000 до 8 000 денари“, соопшти МВР за овој случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
На територија на град Скопје изречени се вкупно 108 мерки, меѓу кои за возење без возачка дозвола 14 санкции, шест мерки за користење мобилен телефон при возење, седум санкции за некористење сигурносен појас.
Сообраќајните контроли продолжуваат и во наредните денови.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.