Црна хроника
Државјани на БиХ со летви тепале семејство во Гостивар
Основното јавно обвинителство Гостивар отвори постапка против две лица осомничени за насилство.
Осомничените, од кои едниот со двојно државјанство на Република Северна Македонија и на Босна и Херцеговина, а другиот државјанин на Босна и Херцеговина, на 18 октомври влегле во дворот на семејната куќа на едно лице од гостиварското село Неготино. Притоа, најпрвин започнале да тропаат на вратата, а откако од куќата излегле три лица – сопственикот, неговата сестра и неговиот внук, осомничените со дрвени предмети – летви започнале да ги удираат оштетените, нанесувајќи им повреди.
Ценејќи дека се исполнети законските основи, надлежниот јавен обвинител побара за двете лица да биде определена мерка притвор. Судот го прифати ваквиот предлог и на осомничените им определи притвор во траење од осум дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Едно лице тешко повредено во сообраќајна несреќа на патот Прилеп – Битола
Oколу 1.05 часот, во СВР Битола било пријавено дека на патот Прилеп – Битола, во близина на Прилеп, се случила сообраќајна несреќа помеѓу товарно возило „ман“, со битолски регистарски ознаки, управувано од Д. М. (58) од Битола, и патничко возило „ауди“, со прилепски регистарски ознаки, управувано од Д. К. (20) од Прилеп.
Во несреќата возачот Д. К. добил тешки телесни повреди констатирани во болницата во Прилеп.
Увид на местото извршила екипа од СВР Битола.
Топ
Починато бебе: автомобилот во кој било превезувано излетал од патот помеѓу селата Босилово и Турново
Вчера, околу 12.50 часот, во СВР Струмица било пријавено дека на магистралниот пат Струмица – Ново Село, делница помеѓу селата Босилово и Турново, патничко возило „фолксваген поло“, со струмички регистарски ознаки, управувано од 40-годишната В. Д. Т. од село Стиник, општина Ново Село, излетало од коловозот.
Од добиените повреди починало бебето што било превезувано во возилото, а смрт констатирал лекар во Медицинскиот центар Струмица.
Телесни повреди добиле В. Д. Т. и сопатничката С. Т. (49) од село Доброшинци, Струмичко.
Полицијата соопшти дека увид на местото извршиле јавен обвинител и екипа на СВР Струмица.
Црна хроника
Мотоциклист прегазил 73-годишен велосипедист во Скопје и избегал
Вчера, во 13.20 часот, во СВР Скопје, од комплексот клиники „Мајка Тереза“ било пријавено дека кај нив со тешки телесни повреди бил донесен Ј. Б. (73) од Скопје, кои ги добил во сообраќајна несреќа.
Полициски службеници со него извршиле службен разговор, во кој изјавил дека на 17.3.2024, околу 17 часот, на улицата Методија Патчев во Скопје, додека управувал велосипед, бил удрен од мотоцикл, кој го напуштил местото.
Се преземаат мерки за расчистување на случајот.