Црна хроника
Единаесет повредени во сообраќајната несреќа кај Гостивар, се судриле четири возила
Единаесет лица се повредени во сообраќајната несреќа што се случи вчера на патот Гостивар-Кичево, а во неа учествувале три автомобили и еден минибус. Двајца од повредените се префрлени на скопските клиники, а другите девет се пуштени на домашно лекување.
Според информациите на МВР, несреќата се случила вчера околу 14 часот во близина на каменоломите, а во неа учествувале „фолксваген голф“ со гостиварски регистарски ознаки, управуван од С.М. (64) од Гостивар, минибус „мерцедес“ со охридски регистарски ознаки, управуван Л.Р. (50) од Охрид, „фолксаваген пасат“ со кичевски регистарски ознаки, управуван од А.Т. (51) од Кичево и „рено меган“ со дебарски регистарски ознаки, управуван Т.К. (39) од Дебар.
Возачите на возилото „голф“ и минибусот, како и сопатникот од „голфот“ и осум патници од минибусот, на возраст од 20 до 76 години, добиле повреди и биле пренесени во гостиварската Општа болница „Ферид Мурад“. По укажаната лекарска помош, возачот на „голфот“, С.М., и патникот од минибусот М.З. (44) од Охрид, биле префрлени на скопските клиники, а другите биле пуштени на домашно лекување.
Увид на местото извршиле јавен обвинител и екипа од Полициската станица Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.