Црна хроника
Единаесет сообраќајни незгоди вчера во Скопје
Во текот на вчерашниот ден на подрачјето на Секторот за внатрешни работи Скопје се случиле 11 сообраќајни незгоди, од кои една со тешки телесни повреди, шест со лесни телесни повреди и четири со материјална штета.
Во сообраќајните незгоди едно лице добило тешки телесни повреди, а седум лица лесни телесни повреди. Од преземените мерки и активности констатирано е дека 82 возачи управувале возила со брзина поголема од дозволената. Од сообраќај се исклучени 17 возачи, од кои: двајца возачи затоа што управувале моторно возило под дејство на алкохол, 11 возачи управувале возила без да стекнат право за управување моторно возило и четворица возачи затоа што биле возачи почетници. Седум возачи се санкционирани поради поминување крстосница на црвено светло, тројца возачи поради неправилно престројување и четири возачи поради неносење заштитен шлем. Исто така, од сообрачај се исклучени и 15 возила бидејќи биле нерегистрирани.
Покрај ова, санкционирани се и тројца пешаци затоа што поминале коловоз надвор од пешачки премин, а двајца пешаци затоа што поминал коловоз на црвено светло.
Во текот на изминатиот ден издадени се 100 мандатни платни налози, а 68 возила се подигнати со специјално возило „пајак“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.