Црна хроника
Ексдиректорот и раководителката на финансискиот сектор во ЈП „Комуналец“ – Крива Паланка заработија кривични пријави
Надворешната канцеларија за криминалистички работи Крива Паланка поднесе кривична пријава против Т.Т. од Крива Паланка, поранешен директор на Јавното претпријатие „Комуналец“- Крива Паланка, поради постоење основи на сомнение за сторено кривично дело „злоупотреба на службена положба и овластување“ и против М.Д. од Крива Паланка, вработена како раководител на финансискиот сектор во Јавното претпријатие „Комуналец“- Крива Паланка, поради постоење основи на сомнение за сторено кривично дело „несовесно работење во службата“, информираат од полицијата.
Во октомври 2017 година, како што посочуваат од полицијата, ексдиректорот не поставил одговорно лице на погон во село Конопница и не преземал активности за воведување на евиденција на влез и излез на материјалите и производите, со што овозможил лице од село Конопница од погонот со товарно возило да изнесе две палети со бекатонски плочи и жардиниери, како и една метална клупа.
Додека, второпријавената или тогашен раководител на финансискиот сектор на јавното претпријатие, иако била должна, не барала фактури и испратници за влез и излез на материјали и готови производи врз основа на кои требало да изготви финансиски пресметки, соопштуваат од полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.