Црна хроника
Жители на Сарај измамиле велешанец при купување добиток, оставајќи му паричник полн со хартија
Во утринските часови на 29 јуни во велешката полиција билa пријавена измама која се случила на фарма за добиток во велешкото село Превалец.
Како што информираат од МВР, четири непознати лица кои се претставиле дека се од скопски Сарај, измамиле 67-годишен велешанец откако договориле купопродажба на девет грла крупен добиток за сума од 6.000 евра.
Откако добитокот го натовариле во камион со кумановскa регистрација, двајца од нив заминале, додека велешанецот со останатите две лица, кои биле со автомобил со скопска регистарација, се упатиле до Ветеринарна станица во Велес за да ги комплетираат документите за продажбата.
По ова, едно од лицата со изговор дека ќе го пренесува неговиот брат, на велешанецот му оставил паричник како гаранција, по што и тие двајца купувачи заминале.
Откако 67-годишникот го отворил паричникот кој бил наполнет со хартија, сфатил дека е измамен. Полицијата презема мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.