Црна хроника
Затворени локали во Дебар, Кичево и Охрид кои работеле по 18 часот
Од МВР информираат дека вчера (9 јануари) биле извршени повеќе контроли во угостителски објекти со цел да се утврди дали се почитуваат мерките против ширењето на коронавирусот, односно забраната за работа по 18 часот.
При контрола на угостителски објект во Дебар, во 19 часот и 20 минути, во него имало осум лица од кои и двајца малолетници, при што лицата се уапсени, а малолетниците во присуство на родител се повикани во станица за понатамошно постапување.
Инспекторите од Државниот пазарен инспекторат (ДПИ) во соработка со МВР, извршиле контроли и во угостителски објекти во Кичево. Притоа, констатирано е дека еден угостителски објект во градот не ги почитувал протоколите и е затоврен од страна на ДПИ.
Во контрола спроведена околу 21 часот во угостителски објект во населбата Свети Стефан во Охрид било констатирано дека објектот работел после 18.00 часот и во истиот биле затекнати пет лица, при што околу 22.00 часот, пред локалот бил приведен Д.Д. (38) од Охрид бидејќи го нарушил јавниот ред и мир.
Преземени се соодветни мерки за затворање на објектот, а против пријавеното лице ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.