Црна хроника
За време на викендот во Скопје се случиле 29 сообраќајни незгоди, едно лице го загубило животот
Во текот на изминатите неколку денови, односно за време на викендот на подрачјето на секторот за внатрешни работи Скопје се случиле вкупно 29 сообраќајни незгоди од кои една сообраќајна незгода е со загинати лица, две со тешки телесни повреди, 14 сообраќaјни незгоди со телесни повреди и 12 со материјална штета, соопштуваат од МВР.
Од полицијата наведуваат дека во сообраќајните незгоди едно лице го загубило животот, три лица се здобиле со тешки телесни повреди и 19 лица се здобиле со телесни повреди.
По преземените мерки и активности од страна на полицијата било констатирано дека 253 возачи управувале возила со брзина поголема од дозволената, а од сообраќај се исклучени 112 возачи од кои „50 возачи затоа што управувале возила под дејство на алкохол, 52 возачи управувале возила без да се стекнат со право за управување на моторно возило и 10 возачи затоа што биле возачи почетници“, се наведува во соопштението на МВР.
Исто така, како што информираат од полицијата, од сообраќај се исклучени и 57 возила бидејќи 56 биле нерегистрирани, а едно возило било технички неисправно.
„Санкционирани се 10 возачи поради поминување крстосница на црвено светло, двајца возачи поради недавање првенство на минување на пешаци, двајца поради неправилно престројување, двајца возачи поради неправилно престигнување и еден возач поради неносење заштитен шлем (кацига)“, се посочува во соопштенеито на МВР.
Во однос на пешаците, од полицијата наведуваат дека санкционирани се двајца пешаци поради поминување коловоз надвор од пешачки премин и 13 пешаци затоа што поминале коловоз на црвено светло. Во текот на изминатиот ден издадени се 156 мандатни платни налози и 104 возила се подигнати со специјално возило „пајак”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.