Црна хроника
Изгаснат пожарот кај Пинтија, ново жариште кај Сопиште
Пожарот над скопската населба Пинтија, кој избувна претпадне е ставен под контрола. Во пожарот беше зафатена мешана шума на поголема површина. Еден крак од пожарот се приближил кон објект од фирма за производство на петарди и експлозивни материјали, заради ова во попладневните часови беа испратени дополнителни возила и пожарникари.
Општина Кисела Вода информира дека по избувнувањето на пожарот во населбата Пинтија, градоначалникот Филип Темелковски заедно со 10 сезонски работници и вработени во Општината и заедно со пожарникарите на Противпожарната бригада учествува во неговото гасење.Aктивирани беа и авионите на Дирекцијата за заштита и спасување.
Локализиран е и пожарот кај скопското село Мојанце, над Арачиново, но ново жариште има кај Сопиште.
Граѓани пријавиле дека има пожар во близина на фабриката за пиротехнички средства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.