Црна хроника
Истражна постапка против Македонец и двајца Албанци кои шверцувале марихуана од Албанија во Македонија
Надлежен јавен обвинител од Основното jавно oбвинителство за гонење на организиран криминал и корупција донесе Наредба за спроведување на истражна постапка против еден македонски и двајца албански државјани поради неовластено производство и пуштање во промет на дроги.
Како што соопшти ОЈО, на почетокот на месецов, осомничените преземале активности за неовластена набавка и пренесување на наркотична дрога – марихуана од територијата на Република Албанија во Република Македонија. Крајниот пазар за продажба на дрогата била Република Турција. Двајцата државјани, кои биле ангажирани од страна на продавачот на дрогата, во вечерните часови на седми овој месец, ја пренеле марихуаната, преку Граничниот премин Блато и според договорот, во близина на муслиманските гробишта во Дебар, му ја предале на македонскиот државјанин.
На излезот од Дебар во правец кон Маврово, полициските службеници при рутинска контрола на возилото пронашле три вреќи наркотична дрога – марихуана, спакувана во 31 најлонско пакување со вкупна тежина од 28 115 грама. Во исто време, на Граничниот премин Блато, на излез од Република Македонија, полициските службеници ги лишиле од слобода и двајцата албански државјани.
Надлежниот обвинител ценејќи дека се исполнети условите, до Судијата на претходна постапка при Основниот суд Скопје 1 – Скопје достави Предлог за определување на мерка притвор за осомничените. Судијата го прифати предлогот и со Решение определи притвор во траење од 30 дена за сите три лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кој кого тепал – Семејна драма во Драчево
26-годишна жена вчера во 13.53 часот во СВР Скопје пријавила дека во домот на подрачјето на Драчево била физички нападната од нејзиниот 39 – годишен сопруг.
Полицијата информира дека исто така, во 14.10 часот, 39 – годишниот сопруг пријавил дека во домот бил физички нападнат од неговата 26 – годишна сопруга.
Според надлежните, се преземаат мерки за расчистување на случајот.
Црна хроника
Претепан возач на автобус на ЈСП
Возач на автобус на ЈСП бил претепан од едно лице со употреба на тврд предмет.
Имено синоќа во 20.50 часот во СВР Скопје, А.З.(47) од Скопје пријавил дека околу 20.30 часот на подрачјето на Центар, додека извршувал работни задачи како возач на автобус на ЈСП, бил физички нападнат од едно лице, кое употребило тврд предмет.
Полицијата соопшти дека се преземаат мерки за расчистување на случајот.
Црна хроника
Тепачка на фудбалски натпревар: се степале играчите од двете екипи и дел од публиката во село Богомила
Вчера во 11.00 часот на фудбалското игралиште во село Богомила, општина Чашка, за време на одигрување на фудбалски натпревар помеѓу екипите на ФК Богомила од с.Богомила и ФК Мартолци од с.Горно Врановци, по претходна расправија, настанала физичка пресметка помеѓу играчи од двете екипи и дел од публиката, по што натпреварот бил прекинат.
За настанот бил известен јавен обвинител и се преземаат мерки за расчистување на случајот, информираат од МВР.