Црна хроника
Кај Струмица пронајдени седум мигранти, на Меџитлија спречени шестмина Кубанци
Во близина на угостителски објект на регионалниот пат Валандово – Струмица струмички полицајци во текот на утринските часови на 10 ноември пронашле седум мигранти, од кои шест од Сирија и еден од Ирак.
По преземените мерки, во близина на вештачко езеро во атарот на селото Белотино, биле пронајдени два автомобила „ауди А8“, со скопски регистарски ознаки, и уапсени се двајца скопјани на возраст од 31 и 37 години поради сомнение дека сториле кривично дело шверцување мигранти.
За настанот бил известен јавен обвинител, а увид на местото извршила екипа од СВР Струмица.
Истиот ден, во 17.30 часот, кај манастирот „Свети Илија“, во близина на граничниот премин Меџитлија, полицијата спречила шестмина Кубанци кои се обиделе илегално да ја преминат државната граница од Македонија во Грција.
Истовремено, биле приведени и 37-годишен возач на „фолксваген транспортер“, со кој се превезувале Кубанците, и 51-годишен сопатник, двајцата од Скопје. Кубанските државјани, заедно со Р. Ќ. и Џ. С., биле предадени во СВР Битола за понатамошна постапка.
По целосно документирање на случаите, против учесниците во нив ќе бидат поднесени соодветени пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.