Црна хроника
Крадци сечеле бакарни кабли од мрежата на „Телеком“ и предизвикале прекин на интернетот
Четири лица на возраст од 26 до 36 години биле уапсени на 4 јули од страна на припадници на полициските одделенија од Аеродром и Драчево поради сомнение дека се сторители на тешки кражби.
Како што информираат од МВР, со апсењето на С. Д. (29), Ф. А. (36), Е. З. (49) и С. Д. (26) се расчистени 16 кривични дела, а се работи на документирање уште на 17 кривични дела за кои исто така ќе има соодветни поднесоци, односно вкупно 33 кривични дела.
Кај уапсените се пронајдени предмети што потекнуваат од кражбите, меѓу кои електромотори, кабли и метални делови, кои се во сопственост на „Македонски железници“ и на „Македонски телеком“.
Со лицата бил извршен службен разговор, при што тие го појасниле начинот на извршување на делата посочувајќи ги деталите и точните локации на кои во периодот од 12 мај до 1 јули годинава ги направиле делата оштетувајќи ја инсталацијата на „Македонски телеком“ преку оштетување на шахтите и сечење и крадење бакарни кабли, притоа предизвикувајќи прекин на интернетот, ТВ и телекомуникациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.