Црна хроника
Кривична пријава против матичар поради злоупотреба на службената положба
Триесетгодишен вработен во Управата за водење на матичните книги, во матичното подрачје Бутел и Чаир, како помлад референт-матичар, со туѓа платежна картичка од банка направил 32 трансакции, со тоа што на други странки им зел пари во готово, а им кажувал дека тој за нив ќе уплати од неговата картичка.
Во временскиот период од 19.2.2020 до 25.2.2020 пријавениот ја злоупотребил својата службена положба со пречекорување на своите службени овластувања, спротивно на член 5 од договорот за вработување, на начин што ги искористил податоците од туѓа платежна картичка од банка стекнувајќи се со противправна имотна корист.
Сопственичката на платежната картичка при вадење извод од Матичната книга на венчаните му ја предала платежната картичка на пријавеното лице за да изврши наплата на потребните парични средства. Во горенаведениот период платежната картичка останала кај пријавениот и тој направил уште 32 трансакции по основ на уплата за вадење изводи од матичните книги на родените, венчаните и умрените од други странки известувајќи ги дека тој за нив ќе ги уплати паричните средства од својата платежна картичка, а парите земени во готово од странките ги присвојувал.
Пријавениот се стекнал со кривична пријава поради злоупотреба на службената положба и овластувањата и оштетување и неовластено навлегување во компјутерски систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.