Црна хроника
Кривична пријава против поранешен директор на училиште во Кумановско, ја злоупотребил службената положба
Против С. Ш. (63) од с. Романовце, Кумановско, е поднесена кривична пријава поради сомнение за сторено кривично дело злоупотреба на службената положба и овластувањето.
Според полицијата, пријавениот, вработен како директор во основното училиште „Кирил и Методиј“ во с. Романовце, во текот на 2018 година не ѝ го прекинал работниот однос на вработената С. Џ. Е. во согласност со законот, колективниот договор и претходно донесеното решение од ОЈО Куманово за одземање на дипломата, констатирано со записник од страна на Државниот просветен инспекторат на Република Северна Македонија, и допуштил таа да врши воспитно-образовна дејност во училиштето без потребната диплома.
На ваков начин предизвикана му е штета на буџетот на Република Северна Македонија од 695.621 денар, кои ѝ биле исплатени на вработената по основ на плати и придонеси за социјално и здравствено осигурување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.