Црна хроника
Кривична пријава против поранешниот градоначалник на Крива Паланка
Надворешната канцеларија за криминалистички работи Крива Паланка поднесе кривична пријава против поранешниот градоначалник на општина Крива Паланка, Арсенчо Алексовски, и против двајца вработени во Општината, едниот како раководител на одделението за урбанизам, сообраќај и заштита на животната средина, а другиот овластен градежен инспектор, поради постоење основи на сомнение за сторено кривично дело злоупотреба на службената положба и овластувањето.
„Д. Н. изготвил решение со кое на друштво за телекомуникации од Скопје му се одобрува изградба на линиска инфраструктурна градба за поставување канали за телекомуникациски водови и оптички кабел во Крива Паланка, кои биле одобрени од А. А. (59), а се извршувале работи за измена на траса на веќе изградена градба на релација од граничниот премин Деве Баир до граничниот премин Ќафасан со одобрение за градење од Министерството за транспорт и врски на Република Северна Македонија, а не за нова градба. Со дејството му овозможиле на инвеститорот да склучи договори со друг изведувач од Скопје за износ од 1.941.381 денар.
По завршувањето на работите, од нарачателот на изведувачот биле исплатени само 865.198 денари од вкупниот износ, со што му била нанесена штета во износ од 1.076.183 денари. А. А. (68) на 22.9.2016, иако при инспекциски надзор констатирал дека новиот крак од објектот е поврзан на постојниот линиски инфраструктурен објект, писмено го известил Државниот инспекторат за градежништво и урбанизам Скопје дека инвеститорот ја поседува потребната техничка документација. Пријавените, покрај нанесената штета на изведувачот, му нанеле штета и на ЈП за Државни патишта со поставувањето на оптичкиот кабел на магистралниот пат Крива Паланка – Куманово и му овозможиле на правното лице, сопственост на А. А. (59), да ги користи услугите од поставените канали за телекомуникациски водови и оптички кабел“, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.