Црна хроника
Кривична против сопственик на фирма кој не пријавил данок од 2 милиони денари
Сопственик на приватната фирма „Силвер медиа центер“ од Скопје преку даночно затајување го оштетил државниот буџет за околу 2 милиони денари, соопшти финансиската полиција. Против сопственикот и управител на фирмата поднесена е кривична пријава.
„Лицето А.Ч., кој во својство на сопственик и управител на второпријавениот правен субјект ‘Силвер медиа центер’ ДОО Скопје, во текот на 2018 година, со цел да се стекне со противправна имотна корист за себе и правниот субјект, по основ за искористени услуги web marketing и digital media services од странски правни субјекти, примил влезни девизни фактури и извршил плаќање парични средства во девизи кон банкарски сметки на странски правни субјекти во вкупен износ од 20.188.240 денари, при што спротивно на член 29-б од Законот за данок на добивка за 2018 година не пресметал, не пријавил и не уплатил данок на задршка на приход исплатен на странски правни лица по даночна стапка од 10 отсто од 2.018.824 денари, за кој износ е општетен буџетот на Република Северна Македонија“, се вели во соопштението на финансиската полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.