Црна хроника
Кривични за лекар и пациентка кои со лажни документи сакале да извлечат пари од осигурителна компанија во Австралија
Охридската полиција до надлежното Јавно обвинителство поднесе кривична против засега непознато лице вработено во Охридската општа болница, под сомнение дека сторило кривично дело „фалсификување или уништување деловни книги“. Покрај тоа, кривична е поднесена и против 60-годишна жена од Демир Хисар под сомнение дека била поттикнувач за вршење на кривичното дело.
Имено, непознатиот медицински работник подготвил фалсификувани лекарски исправи кои ѝ ги предал на второпријавената за таа да ги употреби во осигурителна компанија во Перт, Австралија, за рефундирање на трошоци од наводно лекување од труење со храна.
Како што информираат од СВР-Охрид, засега непознатото лице, иако знаело дека во периодот од август до септември минатата година жената немала лекарски третман во болница, свесно, на празен лист хартија ѝ ставило службен печат на болницата и составило лажна лекарска потврда со целосно внесена лажна содржина за наводно лекување и одредена терапија на жената од Демир Хисар во Одделението за внатрешни болести.
Лажната исправа била заверена со службен факсимил од доктор интернист и со службен печат од Одделението за внатрешни болести.
Дополнително, на име на жената, која е второпријавената во случајот, непознатото лице изготвило и лажен документ каса-прими, во која бил внесен лажен износ од 81 000 денари за наводна наплатена услуга за лекување, која била заверена со истиот печат од Одделението за внатрешни болести.
Второпријавената од Демир Хисар за време на престојот во Македонија, во договор со непознатиот медицински работник со намера да оствари противправна имотна корист за себе, со умисла го поттикнала да направи лажни лекарски исправи и ги употребила во осигурителна компанија во Австралија како вистински, прикажувајќи дека во текот на 2017 година ѝ било дијагностицирано труење со храна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.