Црна хроника
Кривични за скопјанец и неговата 18-годишна придружничка кои ограбиле фирма во Аеродром
Скопската полиција поднесе кривична пријава до надлежното Основно јавно обвинителство против 33-годишен скопјанец поради сомнение дека извршил кривично дело „разбојништво“ и против 18-годишна девојка, исто така од Скопје, поради сомнение дека помагнала при извршување на делото.
Како што информираат од МВР, на 16 месецов пријавените со мотоцикл дошле пред просториите на фирмата „Брза пратка“ на булевар „Јане Сандански“. Кога пристигнала вработената и ја отклучила влезната врата, 33-годишникот влегол по неа и со закана со пиштол ѝ ги одзел парите кои таа претходно ги извадила од банка и мобилниот телефон.
Преку овој вооружен грабеж двајцата пријавени се стекнале со противправна имотна корист од околу 680 000 денари (околу 11 000 евра).
Полицијата презела мерки во врска со настанот, при што на 27 месецов, врз основа на судска наредба, бил извршен претрес во домот на пријавениот скопјанец на улица Тодор Чангов, каде што била затекната и 18-годишната девојка.
При претресот бил пронајден пластичен пиштол и предмети поврзани со кривичното дело. Двајцата биле лишени од слобода, а извршено е и препознавање на пријавените од страна на вработената во фирмата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против битолчанец, ставил под хипотека туѓ недвижен имот во Охрид и стекнал корист од 352 илјади денари
СВР Охрид поднесе кривична пријава против 61-годишниот К. Р. од Битола поради постоење основи на сомнение за сторени кривични дела неизвршување судска одлука и самовластие.
„Тој, свесно и спротивно на судска пресуда, става под хипотека недвижен имот во Охрид сопственост на друго лице и на тој начин стекнал противправна имотна корист од 352.000 денари“, велат од СВР Охрид.
Топ
Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец
Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против правно лице од Скопје за сторено кривично дело узурпација на недвижности од чл. 225 од КЗ на РСМ.
А. Р. како сопственик и управител на второпријавеното правно лице подолг временски период противправно завладеал имот, сопственост на државата, и го ставил во владение на своето правно лице.
Имотот што се наоѓа веднаш до цветниот пазар зад Поликлиниката ‘Бит-пазар’ во Скопје, кој претставува градежно неизградено земјиште во општа употреба во сопственост на државата, А. Р. противзаконски го оградил со наплатна рампа и куќарка за наплата на влез-излез на предметното земјиште, каде што за секој влез-излез наплаќал соодветен паричен надомест и на тој начин го оневозможил слободното движење и користење на предметниот простор од страна на граѓаните и институциите на РСМ.
Црна хроника
Уапсен 39-годишник од Студеничани, возел „џип компас“ евидентиран во базата на Интерпол како украден
Вчера попладне, во 15.40 часот, на граничниот премин Долно Блаце, полициски службеници го лишиле од слобода 39-годишниот Џ. Р. од село Црн Врв, општина Студеничани, извести МВР.
„При извршена гранична контрола било констатирано дека патничкото возилото ‘џип компас’, со италијански национални ознаки, кое го управувал, сопственост на правно лице од Италија, е евидентирано во базата на Интерпол како украдено“, соопшти МВР.
Тој бил задржан во Полициското одделение Мирковци, а возилото било одземено за понатамошна постапка. По целосно документирање на случајот, ќе биде поднесен соодветен поднесок.