Црна хроника
Криминална група фатена со 60 килограми стаклена јагула вредна 120 илјади евра
Полицијата открила меѓународна криминална група, од која дел е и цариник од Деве Баир, која се обидела да шверцува поголема количина стаклена јагула, која е редок подмладок на јагулите и претставува загрозен вид во Европа.
СВР Куманово до надлежното Јавно обвинителство поднесе кривична пријава против Л.Х. (44) од Народна Република Кина, со живеалиште во Шпанија, В.В.М. (54) од Бугарија, Ј.П. (38) од НР Кина, со живеалиште во Софија, против С.П.(41) од село Режановце, Кумановско, и против И.А. (44) од Крива Паланка, вработен во Царинската управа на граничниот премин Деве Баир, поради сомнение за шверцување и злосторничко здружување.
„Л.Х. формирал криминална група за шверцување недозволени стоки и противправно набавил поголема количина стаклена јагула. Tранспортот на стаклената јагула требало да се изврши на релација Софија-„Меѓународен аеродром Скопје“ до Куала Лумпур, Малезија, каде што како купувач се појавува лице со иницијали С.Н. од Малезија.
Л.Х. набавил 60 килограми подмладок од стаклената јагула во вредност од 90.000 до 120.000 евра спакувана во 42 најлонски кеси со компресирен кислород, кои ги сместиле во седум големи патни торби. J.П. набавил парични средства во кеш во износ од 10.000 евра во противредност на бугарски левови по што на 3.4.2019 година Л.Х., В.В.М. и Ј.П. ги натовариле патните торби со стаклена јагула во комбе „мерцедес“ со бугарска национална ознака. Кога му обезбедиле авионски билет за патување за В.В.М. на релација Скопје-Истанбул-Куала Лумпур, заминале за Скопје. На граничниот премин Деве Баир ги чекал С.П., кој имал задача да обезбеди непречин премин при царинска контрола на македонска страна. По пристигнување на царинската контрола кај И.А., тој без задржување ги пуштил да го напуштат граничниот премин без царинска контрола на багажот.
Подоцна, на магистралниот пат Деве Баир-Крива Паланка-Куманово нивното возило било запрено од полициската патрола. При прегледот на возилото биле пронајдени седумте куфери со стаклена јагула по што лицата биле приведени во СВР Куманово“, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.