Црна хроника
Куќен притвор за дилерка на дрога од Куманово
Кумановското обвинителство поведе постапка против 37-годишна жителка на Куманово. Таа се сомничи за кривично дело неовлaстено производство и пуштање во промет на наркотични дроги, психотропни супстанции и прекурсори казниви по Кривичниот законик.
При извршен претрес во домот на осомничената на 4 мај 2021 година, овластените службени лица пронашле 11,53 грама наркотична дрога хероин и едно пакување наркотична дрога кокаин од 0,85 грама.
Осомничената неовластено заради продажба ја набавила наркотичната дрога.
Хероинот го препакувала во одделни шест мали најлонски пакувања и ги криела во спалната соба.
Јавниот обвинител кој постапува во предметот поднесе предлог до Судијата на претходна постапка при Основниот суд Куманово за определување на мерка куќен притвор за осомничената поради постоење на опасност од бегство и повторување на кривичното дело.
Предлогот на обвинителството е прифатен и Судот на осомничената и определи куќен притвор во траење од 30 дена, информираат надлежните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.