Црна хроника
Лекари од брзата помош биле нападнати од скопјанец кого дошле да го спасуваат
Синоќа околу два часот по полноќ од страна на Службата за итна медицинска помош во скопската полиција бил пријавен несекојдневен инцидент.
Според пријавата, екипа на брзата помош била физички нападната на улицата Втора македонска бригада.
Имено, екипата отишла на местото на повик во врска со лице во бесвест, па додека му била укажувана помош, лицето се освестило и физички нападнало еден од лекарите.
По ова, полицијата излегла на местото на настанот и презела мерки за обезбедување на 57-годишниот С. Л. од Скопје, кој бил пренесен во комплексот клиники „Мајка Тереза“.
По целосно документирање на случајот, против него ќе биде поднесена и соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата се повредени
Синоќа на булеварот Партизански одреди во Скопје мотоцикл „дукати“ со скопски регистарски ознаки, управуван од Е.П.(27) од Скопје, удрил во пешакот Н.Ѓ.(30) од с.Рашче, скопско.
Во несреќата со тешки телесни повреди се здобил пешакот, додека мотоциклистот се здобил со телесни повреди, констатирани во Комплексот клиники „Мајка Тереза“ Скопје, објави МВР.
Извршен бил увид од увидна екипа од СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.