Црна хроника
Марихуана и кокаин пронајдени во возило во Тетово
Синоќа по полноќ, на улицата Вонвардарска во Тетово, полициски службеници запреле патничко возило „даеву матиз“ со тетовски регистарски ознаки, управувано од М.Х.(36) од Тетово, а во кое биле и Х.К.(41) од село Мала Речица и Б.С.(40) од Тетово.
Полицијата соопшти дека при личен преглед на Б.С. била пронајдена кесичка со марихуана. Тој почнал да бега, но набргу бил стигнат и фатен. Исто така, под возачкото седиште во возилото било пронајдена кеса со кокаин.
Тројцата биле лишени од слобода и по документирање и расчистување на случајот, против нив ќе бидат поднесени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.