Топ
Мајка моли да се пронајде нејзиниот син, исчезнал пред два дена во Скопје
Дваесет и шестгодишно момче исчезнало во Скопје, откако пред два дена заминало од дома, по што не се вратило. Семејството моли за помош на социјалните мрежи. Случајот е пријавен во полиција, а најблиските и роднините споделуваат на „Фејсбук“ фотографии и информации за исчезнатото момче.
Според објавените информации, станува збор за Пинета Секондо (26), роден во Италија, кој во неделата заминал од дома. ,,Ве молам помогнете ми да го најдам моето синче. Излезе синоќа околу 20 часот и последен пат е виден во Ѓорче Петров во 22 часот. Излезен е со бела шкода (таблички СК1566АП) . Ве молам помогнете ми”, апелира неговата мајка на „Фејсбук“.
Од полицијата потврдуваат дека вчера, во 19 часот, во Полициското одделение Петровец, М.Т.(44) од Скопје пријавила дека претходниот ден нејзиниот син П.С.(26) се одалечил во непознат правец. Се преземаат мерки за пронаоѓање на лицето, велат од МВР.
На социјалите мрежи кружат апели за помош да се пронајде момчето.
,,Бараме хакер што ќе го пробие пасвордот на Фејсбук! Детево се допишувало со ‘девојка од Тетово’ и од вчера е исчезнат! Недостапен е на телефоните!
Дечкото со радост ги очекувал родителите да пристигнат од странство по долго време, требало да ги пречека, но му се губи секоја трага! Пред да почнете со претпоставки, ниту е коцкар, ниту наркоман, ништо од пороци. Нормален дечко од прекрасни родители! Така и ги запознавме, мајка му е најголем хуманист и донатор во нашата организација! Ве молам да ѝ помогнеме да си го најде детето!
Доколку имаме хакер кој сака да помогне за да се најде каква било трага, нека ѝ заѕвони, луѓево не спијат! Ова се броевите од дечкото, тел:078244808 и тел:070252836. Кој може да хакира компјутер или да најде телефон, ве молам пишете ѝна мајката! Не ѕвонете беспотребно ве молам! Мајката е Маја, 078246917, ова е нејзин број! Бараме бела ‘шкода фабиа’ со таблички Ск1566ап. На левата страна на вратата има знаме од Европа и Македонија и пишува Демир Капија Смоквица”, се наведува во апелот објавен на „Фејсбук“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Македонија
Притвор од 48 часа за две лица задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Регион
Почна нова детаљна потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.