Црна хроника
Моторџија од Словенија повреден во верижен судир на патот Гостивар-Кичево
Моторџија од Словенија е повреден во сообраќајна несреќа меѓу неколку возила што што се случила вчера околу 14.40 часот на магистралниот пат Гостивар-Кичево. Во судирот учествувале автобус, возило „сеат ибица“ со скопски регистарски ознаки, управувано од Р.Ч., мотоцикл „јамаха“ управуван од В.Р. (36) од Словенија и мотоцикл „јамаха“ управуван од С.Ш. (37), исто така од Словенија.
Во незгодата тешки телесни повреди добил С.Ш., кој со возило на итната медицинска помош бил префрлен во Медицинскиот центар Гостивар, од каде што, по укажаната лекарска помош, бил препратен на Клиничкиот центар при комплексот клиники „Мајка Тереза“ во Скопје. Увид на местото на настанот извршила екипа од Полициската станица Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.